جريدة الخبر اليوم المصرية
بيسلم
ويعمل نفسه كده عادي
بيتكلم
وكل رسايله لعيوني
عكس كلامه
بتلمح ومن جوايا
بتعلم
ويمشي بعيد
ويرجع تاني في كلامه
تملي يعيد
ويتكلم مع أصحابه
وهو شريد
ونظراته طول الوقت بتقولي
أنا مرتاح هنا جنبك
وقلبي سعيد
ويرجعلي
علي لسانه كلام مكتوم
بحسه أكيد
ومن صوته
أحس بنبره من قلبه
بتتألم
ولسكوته يستسلم
وفي الاخر
بيتلخبط
وكل ملامحه بتقولي
ححاول بكرة
أتشجع واتكلم
ويسلم
وجه بكره
وبرضه العادي مش بيقول
وعامل نفسه قال يعني
بقي مشغول
ورايح جاي قُدامي
علشان نظره مني ينول
ولما أعدي قُدامه
يقف فوراً كده مذهول
ويرسم بسمه مكبوته
علي وشه
وميت مره أقول حيقول
ومش بيقول
ومش معقول سكاته يطول
يِضّيعْ حبه من إيده
وده كله
لإنه خجول
